దిశ, ఫీచర్స్ : పెళ్లి అనేది ప్రతి ఒక్కరి జీవితంలో చాలా ప్రత్యేకమైనది. రెండు మనసులు ఒకటిగా జీవించాలి. ఇక పెళ్లి వయసు వచ్చాక తప్పకుండా పెళ్లి చేసుకోవాలని చెబుతున్నారు మన పెద్దవారు. పూర్వకాలంలో మన బామ్మ జనరేషన్‌లో చిన్న వయసులోనే పెళ్లీలు జరిగేవి. తర్వాత కనీస వయసు అమ్మాయిలకైతే 18, అమ్మాయిలకైతే 20 అని చట్టం తీసుకొచ్చారు. కొన్ని రోజుల పాటు ఆ ఏజ్‌కే వివాహం జరిగింది.
కానీ ప్రస్తుతం ట్రెండ్ మారింది. పెళ్లి చేసుకోవడం అనేది వారి వారి పరసనల్‌గా మారిపోయింది. చదువు, ఉద్యోగం అంటూ చాలా మంది మూడు పదుల్లో కూడా వివాహం చేసుకోవడానికి ఇంట్రెస్ట్ చూపించడం లేదు. ఈ కాలంలో యూత్ ఎక్కువగా 30 ఏళ్లు దాటాక పెళ్లి చేసుకుంటున్నారు. కానీ మన పెద్దవారు అంటుంటారు. అస్సలే ఆలస్యంగా పెళ్లి చేసుకోకూడదు. ఇది మంచిది కాదు అని. కానీ ఆలస్యంగా పెళ్లి చేసుకోవడం వలన అనేక లాభాలు ఉన్నాయంటున్నారు నిపుణులు. అవి ఏంటో ఇప్పుడు తెలుసుకుందాం.
- చిన్న వయసులో పెళ్లి చేసుకోవడం వలన సరైన మెచ్యూరిటీ ఉండదు. దీంతో అత్తింటి వారితో, పెద్దవారితో మన ప్రవర్తన అనేది చాలా తేడా ఉంటుందంట. దీని వలన చాలా సమస్యలు వస్తాయంట. కానీ కాస్త లేట్‌గా పెళ్లి చేసుకోవడం వలన ప్రతీది అర్థం చేసుకొని మన బంధాన్ని మరింత బలంగా మార్చుకోవడానికి అవకాశం ఉంటుంది.
- ప్రస్తుత రోజుల్లో డబ్బుకున్న విలువ దేనికి లేదు. ఆలస్యంగా పెళ్లి చేసుకోవడం వలన ఆర్థికంగా ధ‌ృడంగా ఉంటారంట. ఎక్కడ ఎప్పుడు ఎలా ఖర్చు పెట్టాలో తెలుస్తుంది. దీని వలన డబ్బు సంపాదించడంలో ఒక అడుగు ముందే ఉండొచ్చు.
- తొందరపడి పెళ్లి చేసుకోవడం వల్ల మంచి కెరీర్‌ని నెలకొల్పోయే అవకాశం ఉంది. ఎందుకంటే అప్పుడు బాధ్యతలు ఎక్కువ. కాబట్టి మన అనుకున్న దాంట్లో స్థిరపడ్డాక పెళ్లి చేసుకోవాలంట.
- ఆలస్యంగా పెళ్లి చేసుకోవడం వలన మనం స్నేహితులతో చాలా సరదాగా గడిపే అవకాశం ఎక్కువ ఉంటుందంట. అంతే కాకుండా మనకు నచ్చిన ప్రదేశాలను చూడటం, సరదగా, ఎలాంటి ఫ్యామిలీ ప్రాబ్లమ్స్ లేకుండా ఎంజాయ్ చేయోచ్చునంట.
- త్వరగా పెళ్లి చేసుకోవడం వలన మనకు సరైన జాబ్ అనేది ఉండదు. అందుకే ఆలస్యంగా పెళ్లి చేసుకుంటే, మనకు నచ్చిన జాబ్ లో చేరి, మనం కష్టపడి సంతోషంగా మన ఫ్యామిలీతో గడపవచ్చు.
