హీరోయిన్ల కెరీర్ నీటిబుడగ లాంటిది. ఇలా ఎదిగిన మరుక్షణమే అలా క్రేజ్ మాయమైపోతుంది. లాంగ్ రన్ నిలబడే హీరోయిన్లు చాలా తక్కువ. ఇప్పుడు మనం చెప్పుకోబోయే హీరోయిన్ పరిస్థితి కూడా ఇలానే తయారైంది.
ఒకప్పుడు సూపర్ హిట్ అనిపించుకున్న ఈ ముద్దుగుమ్మ, ఆ తర్వాత వరుస ఫ్లాపులతో ఉక్కిరిబిక్కిరైంది. ఒకప్పుడు రోజుకు 3 షిఫ్టుల మీద పనిచేస్తూ బిజీగా ఉన్న ఈ భామ, ఇప్పుడు ఒక్కసారిగా ఖాళీ అయింది. స్టార్ డమ్ రుచి మరిగిన తర్వాత ఖాళీగా ఇంట్లో కూర్చోడం ఓ పట్టాన కుదరదు.
ఇప్పుడీ ముద్దుగుమ్మ అదే బాధలో ఉంది. ఓవైపు అవకాశాలు రాక, మరోవైపు క్రేజ్ ను కొనసాగించడం కోసం రోజుకో ఫొటోషూట్ చేస్తోంది. ఈ క్రమంలో కొంతమంది ఇండస్ట్రీ జనాలకు పరోక్షంగా కొన్ని సిగ్నల్స్ అందించింది.
మొన్నటివరకు పద్ధతైన పాత్రలు పోషించిన ఈ హీరోయిన్, కాస్త బోల్డ్ గా ఉండే పాత్రలైనా ఓకే అంటోంది. స్కిన్ షో చేయడానికి రెడీ అని, అవసరమైతే లిప్ కిస్ సన్నివేశాల్లో కూడా నటిస్తానని చెబుతోంది.
ఈమధ్య ఓ సినిమా ఆఫర్ వచ్చింది. అందులో హీరోయిన్ ది బోల్డ్ పాత్ర. నటించడానికి ఈమెకు ఎలాంటి అభ్యంతరం లేదు. కాకపోతే అలాంటి బోల్డ్ క్యారెక్టర్లు, స్కిన్ షోలు చేయాలంటే కాస్త పేరున్న హీరో సినిమా అయి ఉండాలనేది ఈమె కండిషన్. దాంతో ఆ ఆఫర్ వెనక్కు వెళ్లిపోయింది.
