దిశ, ఫీచర్స్: ప్రస్తుత కాలంలో ఏజ్‌తో సంబంధం లేకుండా చాలా మంది హార్ట్ ఎటాక్ వంటి సమస్యల బారిన పడుతున్నారు. ఆరోగ్య నిపుణుల ప్రకారం 20-60 ఏళ్లు ఉన్నవారిలో ఈ సమస్య అధికంగా ఉంటుందని చెబుతున్నారు. కాబట్టి గుండె సంరక్షణ పై ప్రత్యేక శ్రద్ధ వహించడం చాలా ఇంపార్టెంట్. గుండె సంబంధిత సమస్యలు రాకుండా ఉండాలి అంటే ఆరోగ్యకరమైన ఆహారంతో పాటు వ్యాయామం వంటివి చేస్తూ ఉండాలి. అయితే చాలామంది మార్నింగ్ బ్రేక్ ఫాస్ట్‌ తర్వాత టీ, కాఫీ తీసుకునే అలవాటు ఉంటుంది. సాధారణ టీ కంటే కొన్ని ఆరోగ్యకరమైన టీ హెల్త్‌కి ఎంతో మేలు చేస్తాయని నిపుణులు చెబుతున్నారు. అందులోనూ ఈ లెమన్ గ్రాస్ టీ ని ప్రతి రోజు తీసుకోవడం వలన గుండె ఆరోగ్యంగా ఉంటుందని.. దీని వల్ల ఎటువంటి అనారోగ్య సమస్యలు దరిచేరవని వైద్యులు చెబుతున్నారు.
లెమన్ గ్రాస్ టీ తీసుకోవడం వలన కలిగే ప్రయోజనాలు:
లెమన్ గ్రాస్ టీ ఒక రుచికరమైన, ఆరోగ్యకరమైన పానీయం. ఇది శతాబ్ధాలుగా ఆయుర్వేదంలో ఉపయోగించబడుతోంది. ఇందులో విటమిన్లు, యాంటీ ఆక్సిడెంట్లు పుష్కలంగా ఉంటాయి. ఇవి శరీరానికి అనేక ప్రయోజనాలను అందిస్తాయి.
కొన్ని ముఖ్య ప్రయోజనాలు:
లెమన్ గ్రాస్ టీలో ఫ్రీ రాడికల్స్‌తో పోరాడే యాంటీ ఆక్సిడెంట్లు పుష్కలంగా ఉంటాయి. ఫ్రీ రాడికల్స్ కణాలను దెబ్బతీస్తాయి. గుండె జబ్బులు, క్యాన్సర్ ఇతర దీర్ఘకాలిక వ్యాధులకు దారితీస్తాయి. కానీ ఈ యాంటీఆక్సిడెంట్లు ఈ నష్టాన్ని నివారించడంలో సహాయపడతాయి. అలాగే జీర్ణ సమస్యలకు చికిత్స చేయడంలో సహాయపడుతుంది. ఇది అజీర్ణం, వాంతులు, విరేచనాలను తగ్గించడంలో సహాయపడుతుంది. ఈ లెమన్ గ్రాస్ టీలోని యాంటీఆక్సిడెంట్లు రోగనిరోధక శక్తిని పెంచడంలో జలుబు, ఫ్లూ ఇతర ఇన్ఫెక్షన్లకు వ్యతిరేకంగా పోరాడటంలో సహాయపడతాయి. లెమన్ గ్రాస్ టీకి వాపును తగ్గించే లక్షణాలు ఉన్నాయి. ఇది కీళ్ల నొప్పులు, కండరాల నొప్పులు, తలనొప్పి వంటి నొప్పిని తగ్గించడంలో సహాయపడుతుంది. ఈ టీని ప్రతిరోజు తీసుకోవడం వల్ల ఒత్తిడి, ఆందోళనను తగ్గించడంలో సహాయపడుతుంది. ఇది నిద్రను మెరుగుపరచడంలో కూడా సహాయపడుతుంది.
ఈ టీ తయారు చేయడం ఎంతో సులభం. దీని కోసం మీరు ఇంట్లో ఉపయోగించే పదార్థాలు ఉంటే సరిపోతుంది. అయితే ఈ ఎలా తయారు చేసుకోవాలి అనేది మనం తెలుసుకుందాం.
లెమన్ గ్రాస్ టీ ఎలా తయారు చేయాలి:
లెమన్ గ్రాస్ టీ తయారు చేయడం చాలా సులభం. ఒక కప్పు నీటిలో ఒక లేదా రెండు తాజా లేదా ఎండిన నిమ్మగడ్డి కాండాలను వేసి 5-10 నిమిషాలు మరిగించాలి. తర్వాత వడకట్టి తేనె లేదా నిమ్మరసం కలిపి రుచికి తగినట్లుగా తాగండి.
గమనిక:
*గర్భవతి లేదా పాలిచ్చే మహిళలు లెమన్ గ్రాస్ టీని తీసుకోవడానికి ముందు వైద్యుడిని సంప్రదించాలి.
*కొంతమందిలో ఈ టీ అలెర్జీ ప్రతిచర్యలను కలిగిస్తుంది. ఏవైనా దుష్ప్రభావాలు ఉంటే, వెంటనే దానిని తాగడం మానేయండి.
*లెమన్ గ్రాస్ టీ రుచికరమైన, ఆరోగ్యకరమైన పానీయం. ఇది మీ శరీరానికి అనేక ప్రయోజనాలను అందిస్తుంది.
