ముదుగంటి క్రియేషన్స్‌ పై ముదుగంటి రవీందర్‌రెడ్డి నిర్మాతగా విరించివర్మ దర్శకత్వంలో రాకేష్‌ వర్రె లీడ్‌రోల్‌లో నటించిన సినిమా ‘జితేందర్‌రెడ్డి’. 1980 కాలంలో జరిగిన వాస్తవిక సంఘటనలు ఆధారంగా పొలిటికల్‌ డ్రామాగా ఈ సినిమా తెరకెక్కుతోంది. ఈ సినిమాకి సంబంధించిన టైటిల్‌ ఫస్ట్‌ లుక్‌ పోస్టర్‌ మరియు గ్లింప్స్‌ సినిమా పైన అంచనాలను పెంచేసాయి. ఇప్పుడు ఈ సినిమాలో ‘అ ఆ ఇ ఈ ఉ ఊ’ అంటూ సాగే యూత్‌ ఫుల్‌ లిరికల్‌ సాంగ్‌ని విడుదల చేశారు.
ఆర్ట్స్‌ సైన్స్‌ ఇంగ్లీష్‌ కంటే ముందు ఎన్నో విషయాలు జరిగాయి అవి తెలుసుకోవాలి. ఐన్స్టీన్‌, న్యూటన్‌ ఏ కాదు మనదేశంలో కూడా అలాంటి వాళ్ళు ఎంతోమంది ఉన్నారు అంటూ కాలేజ్‌ బ్యాక్‌ డ్రాప్‌ లో యూత్‌ ఫుల్‌ గా ఈ సాంగ్‌ ని తెరకెక్కించారు. ఈ పాటకి గోపి సుందర్‌ మ్యూజిక్‌ అందించగా రాంబాబు గోసాల లిరిక్స్‌ రాశారు మరియు రాహుల్‌ సిప్లిగంజ్‌ పాటని చాలా బాగా పాడారు. కాలేజీలో జరిగే ఎలక్షన్స్‌ గ్యాంగ్స్‌ మధ్య ఉండే రైవలరీస్‌ ఈ లిరికల్‌ సాంగ్‌ లో చూపించారు. 1980’లో జితేందర్‌ రెడ్డి అనే వ్యక్తి గురించి అందరూ తెలుసుకోవాలి అని ఈ సినిమాని తెరకెక్కించారు. కాలేజ్‌ స్టూడెంట్‌ లీడర్‌గా అదేవిధంగా ఆ ప్రాంతంలో జరుగుతున్న అన్యాయాలను ఎదుర్కొనే నాయకుడిగా జితేందర్‌ రెడ్డి చేసిన సేవలను ఈ సినిమాలో చూపిస్తున్నారు.
