దిశ, ఫీచర్స్: జీవనశైలి ప్రభావం వల్ల చాలామందికి చిన్న వయసులోనే జుట్టు నెరిసిపోతుంది. లక్షలాది మంది ప్రజలు ఈ సమస్యను ఎదుర్కొంటున్నారు. కాలుష్యం, రసాయనాలు, జన్యుపరమైన లోపాలు, విటమిన్ లోపాలు.. ఇవన్నీ నెరిసిపోవడానికి కారణాలే. చాలా మందిహెయిర్ ను నల్లగా మార్చుకోవడానికి మార్కెట్ లో లభించే రకరకాల ఉత్పత్తులను వాడుతుంటారు. ఇది మీ జుట్టుకు హాని కలిగించే అనేక రసాయనాలను కలిగి ఉంటుంది. అయితే ఈ సమస్యను పరిష్కరించడానికి బంగాళదుంప తొక్కను బెస్ట్ హోం రెమెడీగా ఉపయోగించవచ్చు. బంగాళదుంపలో ఫైబర్ పుష్కలంగా ఉంటుంది. ఇది మీ జుట్టులో కొల్లాజెన్‌ని కూడా పెంచుతుంది. జుట్టు రంగును మెరుగుపరుస్తుంది.
బంగాళదుంప తొక్కలను ఎలా ఉపయోగించాలో చూద్దాం
బంగాళాదుంప తొక్కలు జుట్టు చికిత్సకు అనేక విధాలుగా ఉపయోగించవచ్చు. మొదటిగా 5 లేక 6 బంగాళాదుంప తొక్కలను తీసుకొని వాటిని ఉడకబెట్టండి. నీరు చిక్కబడే వరకు ఉడికించాలి. ఆ తర్వాత షాంపూ చేయడానికి ముందు ఈ నీటిని మీ జుట్టుకు పట్టించండి. ఈ నీటిలో కాఫీ పొడి, అలోవెరా జెల్, రోజ్ వాటర్ కలపండి. దీన్ని మీ జుట్టుకు పట్టించి, అరగంట పాటు అలాగే ఉంచండి. గోరువెచ్చని నీటితో శుభ్రం చేసుకోండి.
బంగాళాదుంప తొక్కల యొక్క ప్రయోజనాలు
బంగాళాదుంప తొక్కలు బూడిద జుట్టుపై సానుకూల ప్రభావాన్ని చూపుతాయి. దీనిలో టైరోసినేస్ అనే పాలీఫెనాల్ ఆక్సిడేస్ ఎంజైమ్ ఉంటుంది. ఇది జుట్టు నల్లగా మారడానికి సహాయపడుతుంది. కట్ చేసిన బంగాళదుంపలు నల్లగా మారడం ఎలా.. బంగాళదుంప తొక్కతో చేసిన నీటిని ఉపయోగించడం వల్ల కూడా మీ జుట్టు నల్లగా మారుతుంది. కాబట్టి మీ జుట్టు త్వరగా బూడిద రంగులోకి మారితే, మీరు బంగాళాదుంప తొక్కలను ఈ విధంగా ఉపయోగించవచ్చు. ఇది మీ జుట్టుకు అన్ని విధాలుగా మేలు చేస్తుంది.
