US Open 2023: యూఎస్ ఓపెన్ మహిళల టెన్నీస్ టోర్నీలో అమెరికా టీనేజర్ కోకో గాఫ్ అరుదైన ఫీట్ సాధించింది. శనివారం (సెప్టెంబర్ 9) జరిగిన యూఎస్ ఓపెన్ ఫైనల్‍లో బెలారస్‍కు చెందిన సెకెండ్ సీడ్ అరీనా సబలెంకాను ఓడించి తొలి యూఎస్ ఓపెన్ టైటిల్‍ను గెలుచుకుంది. సుమారు 2 గంటల 6 నిమిషాల పాటు జరిగిన మ్యాచ్‍లో ప్రత్యర్థిని 2-6, 6-3, 6-2 పాయింట్ల తేడాతో చిత్తు చేసింది ఈ యువ క్రీడకారిణి. అంతేకాకుండా ఈ టోర్నమెంట్‍లో దుమ్మురేపిన కోకో గాఫ్ మహిళల టెన్నీస్ దిగ్గజం అయినా సెరెనా విలియమ్స్ సరసన నిలిచింది.
