Chandrababu Arrest : టీడీపీ అధినేత చంద్రబాబు అరెస్టు నేపథ్యంలో ఆయన కోడలు నారా బ్రాహ్మణితో జనసేన నేతలు భేటీ అయ్యారు. ఉమ్మడి తూర్పు గోదావరి జిల్లా జనసేన నేతలు నారా బ్రహ్మణితో సమావేశమై సంఘీభావం తెలిపారు. రాష్ట్రంలోని తాజా రాజకీయ పరిస్థితులపై ఆమెతో చర్చించారు. జనసేన నేత కందుల దుర్గేష్‌, మాజీ మంత్రి చినరాజప్ప ఈ సమావేశంలో పాల్గొన్నారు. చంద్రబాబు అరెస్టును నిరసిస్తూ రెండు పార్టీలు ఉమ్మడిగా నిరసన కార్యక్రమాలు చేపట్టాలని నిర్ణయించారు.
