Khammam News : నెంబర్ ప్లేట్ (Number Plates)లేకుండా ఖమ్మం నగరంలో చక్కర్లు కొడుతున్న 44 వాహనాలు సీజ్ చేసినట్లు ఖమ్మం(Khammam) ట్రాఫిక్ ఏసీపీ శ్రీనివాస్ తెలిపారు. జిల్లా పోలీస్ కమిషనర్ సునీల్ దత్ ఆదేశాల మేరకు నగరంలో నిబంధనలు అతిక్రమించి రోడ్లపై నడుపుతున్న వాహనాలపై నిర్వహిస్తున్న స్పెషల్ డ్రైవ్ తనిఖీలో భాగంగా మంగళవారం ప్రధాన కూడళ్లలో నెంబరు లేకుండా, రిజిస్టర్ లేకుండా హల్చల్ చేస్తున్న వాహనాలపై కేసులు నమోదు చేసి జరిమానా విధించినట్లు తెలిపారు. నెంబరు ప్లేట్ ట్యాంపరింగ్ చేసిన ఒక స్పోర్ట్స్ బైక్ పై కేసు నమోదు చేసేందుకు ఖమ్మం వన్ టౌన్ పోలీస్ స్టేషన్లకు తరలించినట్లు తెలిపారు. ట్రాఫిక్ నిబంధనలు అతిక్రమించి వాహనాలు నడుపుతున్న వారు చలనాల నుంచి తప్పించుకోవడంతో పాటు ట్రాఫిక్ పోలీసులు గుర్తించకుండా ఉండేందుకు రిజిస్ట్రేషన్ నంబర్ లోని టీఎస్, ఏపీ అక్షరాలతో పాటు చివరి రెండు నంబర్లు కనిపించకుండా స్టిక్కర్స్, ప్లాస్టర్స్, మాస్క్ లు వేస్తున్నారని తెలిపారు.
Source link
నెంబర్ ప్లేట్ లేకుండా రోడ్డెక్కితే కేసులే, ఖమ్మంలో 44 వాహనాలు సీజ్!-khammam news in telugu traffic police seized 44 bikes roaming without number plates ,తెలంగాణ న్యూస్
