నెల్లూరులోని భారీ అగ్ని ప్రమాదం చోటు చేసుకుంది. నెల్లూరు టౌన్‌లో 5వ డివిజన్ బర్మాషల్ గుంట ప్రాంతంలో ఈ దుర్ఘటన జరిగింది. గ్యాస్ సిలిండర్లు పేలడంతో మంటలు పెద్ద ఎత్తున ఎగిసిపడ్డాయి. ఈ ప్రమాద ఘటనలో దివ్యాంగురాలైన బాలిక నాగలక్ష్మి (12) సజీవ దహనమైంది. నాలుగు గుడిసెలు అగ్నికి ఆహుతయ్యాయి. విషయం తెలుసుకున్న అగ్నిమాపక సిబ్బంది ఘటనాస్థలికి చేరుకుని, మంటలు అదుపు చేశారు. ఆ ప్రాంతమంత ఒక్కసారిగా నల్లటి పొగ కమ్నేయడంతో స్థానిక ప్రజల్లో ఏం జరుగుతుందో తీవ్రమైన భయం నెలకొంది. దీంతో ప్రజలు, చుట్టుపక్కల వారు ప్రాణభయంతో ఉరుకులు, పరుగులు తీశారు.
