Pawan Politics: పవన్ కళ్యాణ్‌ ప్రసంగాల్లో అప్పుడప్పుడు క్లారిటీ మిస్సవుతూ ఉంటుంది. ఒక్కోసారి ఒక్కో రకంగా మాట్లాడి అభిమానులతో పాటు సామాన్య జనాన్ని కూడా గందరగోళంలోకి నెట్టేస్తుంటారు. పవన్ తన ప్రసంగాల్లో ఒక్కోసారి ఒక్కోలా మాట్లాడతారు. వచ్చే ఎన్నికల తర్వాత తానే ముఖ్యమంత్రి అవుతానని ఓసారి, తనకు అంత బలం లేదని ఇంకోసారి, టీడీపి తనకు మద్దతివ్వాలని మరోసారి, తన వల్లే 2014లో టీడీపీ గెలిచిందని ఓసారి, సొంత కులమే తనను ఓడిస్తుందని.. . ఇలా రకరకాల ప్రకటనలతో జనంలో కన్ఫ్యూజన్ క్రియేట్ చేయడం పవన్‌కు కొత్త కాదు. జనసేన అధ్యక్షుడు పవన్ కళ్యాణ్‌ తాజాగా పెడనలో కొత్త సందేహాలు రేకెత్తించారు.
