Liquor Shops Close : మందుబాబులకు బ్యాడ్ న్యూస్.. గణేష్ నిమజ్జనం సందర్భంగా మద్యం షాపులు, కల్లు దుకాణాలను బంద్ చేయాలని అధికారులు ఆదేశించారు. కర్నూలు జిల్లాలో గణేష్ నిమజ్జన వేడుకలు జరిగే ప్రాంతాల్లో మద్యం అమ్మకాలు నిలిపివేయాలని కలెక్టర్‌ ఆదేశించారు. ఈ మేరకు ఎక్సైజ్ అధికారులు దుకాణాలు బంద్ చేశారు. కర్నూలు జిల్లా ఎమ్మిగనూరు, వెల్దుర్తిలో ఈనెల 20వ తేదీ రాత్రి 10 గంటల నుంచి 22వ తేదీ ఉదయం 10 గంటల వరకు మందు షాపులు మూసివేయనున్నారు. ఆదోని, గూడూరులో 21వ తేదీ రాత్రి 10 గంటల నుంచి 23వ తేదీ ఉదయం 10 గంటల వరకు, కర్నూలులో 25వ తేదీ రాత్రి 10 గంటల నుంచి 27వ తేదీ ఉదయం 10 గంటల వరకు మద్యం దుకాణాలు, బార్లు, కల్లు దుకాణాల్లో విక్రయాలు నిలిపివేస్తున్నట్లు అధికారులు తెలిపారు.
