2028 ఒలింపిక్స్‌లో పురుషుల, మహిళల క్రికెట్ టీ20 ఫార్మాట్‍లో జరగనుంది. ఆరు జట్లతో క్రికెట్ పోటీలను నిర్వహించాలని ప్రస్తుతానికి లాస్ ఏంజిల్స్ నిర్వాహకులు భావిస్తున్నారు. ఇక 2028 క్రీడల కోసం మరో ఐదు క్రీడలను చేర్చినట్టు ఐఓసీ అధికారికంగా ప్రకటిస్తూ ట్వీట్ చేసింది. “ఒలింపిక్ గేమ్స్ లాస్ ఏంజిల్స్ 2028లో ఐదు కొత్త క్రీడలను చేర్చే ప్రతిపాదనను ఐఓసీ సెషన్ ఆమోదించింది. బేస్‍బాల్/సాఫ్ట్ బాల్, క్రికెట్ (టీ20), ఫ్లాగ్‍ ఫుట్‍బాల్, లాక్రోస్ (సిక్సెస్), స్క్వాష్ కూడా లాస్‍ఏంజిల్స్ 2028 క్రీడల్లో ఉంటాయి” అని ఐఓసీ మీడియా ట్వీట్ చేసింది.
