దిశ, ఫీచర్స్ : ప్రపంచంలో అనేక రకాల కథలు ప్రబలంగా విస్తరిస్తాయి. అయితే వీటిని కొందరు నమ్ముతారు, కొందరు నమ్మరు. ఈ కథలు రక్తం తాగే రక్త పిశాచులు, జాంబీలు, మానవ తోడేళ్ళకు సంబంధించినవి. అయితే చాలామంది ఇలాంటి వాటిని సినిమాల్లోనే చూసి ఉంటారు. అయితే నిజజీవితంలో కూడా రక్త పిశాచులు, జాంబీలు, తోడేళ్లు ఉంటాయని, బ్రిటన్‌లో తిరుగుతున్నాయని ఓ అగ్ర మనస్తత్వవేత్త అందరినీ షాక్‌కు గురిచేశాడు.
అరుదైన మానసిక రుగ్మతల నిపుణుడు డాక్టర్ బ్రియాన్ షార్ప్‌లెస్ మాట్లాడుతూ నిజజీవితంలో రక్తపింజరులు రెన్‌ఫీల్డ్ సిండ్రోమ్ అనే వ్యాధితో బాధపడుతున్నారని చెప్పారు. ఈ వ్యాధికి గురైన బాధితులు లైంగిక ఆనందం కోసం రక్తం తాగాలనే కోరిక ఉంటుందని వెల్లడించారు. డాక్టర్ బ్రయాన్ మాట్లాడుతూ వారు జాంబీస్ అని భావించే వ్యక్తులను కలిశారని, వారి అవయవాలు లోపలి నుండి కుళ్ళిపోతున్నాయని నమ్మే మానసిక రుగ్మతతో బాధపడుతున్నారని, అలాగే అరుదైన సైకలాజికల్ డిజార్డర్ క్లినికల్ లైకాంత్రోపితో బాధపడుతున్న వ్యక్తులు తోడేళ్ళుగా మారుతున్నారని చెబుతున్నారు. అటువంటి వ్యాధులతో బాధపడుతున్న వ్యక్తులు మీ పరిసరాల్లో కూడా దాగి ఉండవచ్చని డాక్టర్ బ్రియాన్ అభిప్రాయపడ్డారు.
ఈ వ్యాధితో బాధపడేవారు రక్తం తాగుతారు..
డైలీ స్టార్ నివేదిక ప్రకారం డాక్టర్ బ్రియాన్ ‘మాన్స్టర్స్ ఆన్ ది సోచ్’ అనే పుస్తకాన్ని కూడా రాశారు. రెన్‌ఫీల్డ్ సిండ్రోమ్ లేదా క్లినికల్ వాంపైరిజం అనేది ఒక వ్యక్తి పోషకాహారేతర అవసరాలను తీర్చడానికి మానవ రక్తాన్ని తాగే పరిస్థితి నెలకొంటుంది అని ఆయన చెప్పారు. దీనితో బాధపడుతున్న వ్యక్తులు మానవ రక్తాన్ని తాగినప్పుడు లైంగిక ప్రేరేపణను అనుభవించవచ్చంటున్నారు.
అలాంటి వారు జాంబీస్‌లా తిరుగుతారు..
కొన్ని నివేదికల ప్రకారం కోటార్డ్ సిండ్రోమ్‌తో బాధపడుతున్న కొంతమంది వ్యక్తులు తాము చనిపోయి జాంబీస్‌గా నడుస్తున్నట్టు నమ్ముతారని డాక్టర్ బ్రియాన్ చెప్పారు. దీంతో బాధపడే రోగులు తాము చనిపోయామని, అవయవాలు లోపల నుంచి కుళ్లిపోయాయని, శరీరంలో అవయవం లేదని భ్రమ పడుతున్నారని తెలిపారు.
కోటార్డ్ సిండ్రోమ్ బాధితులు డిప్రెషన్, యాంగ్జయిటీ, అపరాధభావం, అమరత్వం వంటి భ్రమలు వంటి లక్షణాలతో బాధపడుతారని చెప్పారు. అలాంటి సందర్భాల్లో వారు ఆత్మహత్యకు పాల్పడే అవకాశాలు ఎక్కువగా ఉన్నాయని వారు తెలిపారు.
