అమిత్‌షాను నారా లోకేష్ కలవడంలో తన పాత్ర లేదని కిషన్ రెడ్డి స్పష్టత ఇచ్చారు. తెలుగు రాష్ట్రాల నుంచి ఉన్న ఏకైక మంత్రి తానేనని కిషన్ గుర్తు చేశారు. చంద్రబాబు అరెస్ట్‌ తర్వాత లోకేష్ పలుమార్లు అమిత్‌షా, మోదీల అపాయింట్‌ మెంట్‌ కోరారని ఆ సమయంలో బీజేపీ పెద్దలు బిజీగా ఉన్నారని చెప్పారు. పార్లమెంటులో మహిళాబిల్లు, జి20 సమావేశాల నేపథ్యంలో అమిత్ షా అపాయింట్‌మెంట్‌ ఇవ్వలేకపోయారని, వీలు కుదిరినపుడు తానే పిలిపించుకుంటానని చెప్పారన్నారు. చివరకు తన ద్వారా లోకేష్‌కు సమాచారం అందించారని చెప్పారు.
