దిశ, ఫీచర్స్ : ఈ మధ్య కాలంలో ల్యాప్టాప్ వాడకం సర్వసాధారణంగా మారింది. ఆఫీస్ వర్క్ కావచ్చు, పిల్లల హోంవర్క్ కి హెల్ప్ కావచ్చు, ప్రాజెక్ట్ వర్క్ కావొచ్చు. ఏదైనా విషయం గురించి శోధించాలనుకున్నా ల్యాప్టాప్ కచ్చింతంగా ఉండాల్సిందే. అయితే ల్యాప్టాప్ ఉపయోగిస్తున్నప్పుడు మనకు తెలియకుండానే కొన్ని సమస్యలు ఎదురవుతాయి. అలాంటి సమస్యల్లో ఒక్కటే ల్యాప్టాప్ వేడెక్కడం. ల్యాప్టాప్ ఎక్కువ సేపు రన్ అవ్వడం వల్ల హీట్ అయిపోయిందని చాలా సార్లు అనుకుంటాం. నిజానికి, ల్యాప్టాప్ హీటింగ్ వెనుక చాలా కారణాలు ఉన్నాయి. వాటి గురించి మనం ఇప్పుడు తెలుసుకుందాం.
మీరు ల్యాప్టాప్ హీటింగ్ విషయంలో నిర్లక్ష్యం చేస్తే, మీరు పెద్ద నష్టాన్ని చవిచూడవచ్చు. అలాకాకుండా ఉండాలంటే ల్యాప్‌టాప్‌ను ఉపయోగిస్తున్నప్పుడు కొన్ని విషయాలను అనుసరించాలి.
ల్యాప్టాప్ వేడెక్కడానికి కొన్ని కారణాలు
దుమ్ము, ధూళి : ల్యాప్టాప్ లోపల పేరుకుపోయిన దుమ్ము, ధూళి గాలి ప్రవాహాన్ని అడ్డుకుంటుంది. దీని వలన ల్యాప్టాప్ వేడెక్కుతుంది.
పాడైన ఫ్యాన్ : ల్యాప్టాప్ ఫ్యాన్ చెడిపోతే, అది ల్యాప్‌టాప్‌ను చల్లబరచదు. దాని కారణంగా ల్యాప్టాప్ వేడెక్కుతుంది.
మితిమీరిన వినియోగం : ల్యాప్‌టాప్‌ను ఎక్కువసేపు ఉపయోగించడం వల్ల కూడా అది వేడెక్కుతుంది.
ల్యాప్‌టాప్‌ను తప్పుగా ఉంచడం : ల్యాప్‌టాప్‌ను వేడిగా ఉన్న ప్రదేశంలో ఉంచడం వల్ల కూడా అది వేడిగా మారుతుంది.
మీ ల్యాప్టాప్ తరచూ వేడెక్కుతుంటే దాని వేగం తగ్గవచ్చు. అలాగే, వేడెక్కడం వల్ల, ల్యాప్టాప్ అకస్మాత్తుగా షట్ డౌన్ కావచ్చు. ఇది హార్డ్‌వేర్, సాఫ్ట్‌వేర్‌కు నష్టం కలిగించవచ్చు.
ల్యాప్టాప్ వేడెక్కకుండా నిరోధించడానికి ఈ చిట్కాలను ఉపయోగించండి..
ల్యాప్టాప్ వేడెక్కడం నుండి ల్యాప్‌టాప్‌ను రక్షించాలనుకుంటే, దాని కింద కూలింగ్ ప్యాడ్‌ని ఉపయోగించండి. అలాగే, మీ ల్యాప్టాప్ వెలుపల, స్క్రీన్‌ పై దుమ్ము పేరుకుపోవద్దు. దీనితో పాటు, మీరు ఉపయోగంలో లేని సాఫ్ట్‌వేర్‌ను మూసివేయాలి. మీరు ఈ విషయాలను పాటిస్తే మీ ల్యాప్టాప్ త్వరగా వేడెక్కదు.
