జగన్ మాట తప్పారు
చంద్రబాబు రాజధాని పేరుతో గ్రాఫిక్స్ చూపితే, సీఎం జగన్ మూడు రాజధానులు అంటూ గందరగోళం సృష్టించారని వైఎస్ షర్మిల విమర్శించారు. సీఎం జగన్, చంద్రబాబు ప్రధాని మోడీకి ఊడిగం చేస్తున్నారన్నారు. ఏపీకి ఒక్క మేలు చేయని బీజేపీకి జగన్, చంద్రబాబు బానిసలు అయ్యారన్నారు. చంద్రబాబు, జగన్ ఏపీ ప్రజలను బీజేపీకి బానిసలు చేస్తున్నారన్నారు. ఏపీలో ఒక్క ఎమ్మెల్యే కూడా లేని బీజేపీకి టీడీపీ, వైసీపీ వశం అయ్యాయన్నారు. ప్రత్యేక హోదాతో పాటు మద్యపాన నిషేధం ఏమైందో సీఎం జగన్ సమాధానం చెప్పాలన్నారు. జగన్ ఇచ్చిన మాట తప్పారని విమర్శించారు. పోలవరం ప్రాజెక్ట్ ఏమైందో వైసీపీ నేతలు చెప్పాలన్నారు.
