దిశ, ఫీచర్స్ : మారుతున్న సీజన్లలో మీ చర్మంతో పాటు మీ జుట్టును జాగ్రత్తగా చూసుకోవడం చాలా ముఖ్యం. ఎందుకంటే సూర్యరశ్మి, ధూళి నేరుగా జుట్టు పై పడతాయి. దీని కారణంగా అవి దెబ్బతినే అవకాశం ఉంది. అందుకే వేసవిలో జుట్టు సంరక్షణకు ఈ చిట్కాలను పాటించండి.
చర్మం, వెంట్రుకలు మన శరీరంలోని దుమ్ము, కాలుష్యం, హానికరమైన సూర్యకిరణాలతో ప్రత్యక్ష సంబంధం కలిగి ఉంటాయి. మనం ఇంటి నుండి బయటకి అడుగు పెట్టినప్పుడు, చాలా తక్కువ మంది మాత్రమే తమ ముఖం జుట్టును గుడ్డతో కప్పుకుంటారు. వారు రోజంతా దుమ్ము, ధూళితో ప్రభావితమవుతారు. దీని వల్ల చర్మం, జుట్టు త్వరగా పాడవుతాయి. ముఖ్యంగా వేసవికాలంలో మండే ఎండలు, ధూళి కారణంగా మన చర్మం, జుట్టు బాగా దెబ్బతింటాయి. అందుకే వేసవి కాలంలో వాటి పట్ల మరింత జాగ్రత్తలు తీసుకోవాలి.
ఇప్పుడు మనం చర్మానికి అనేక రకాల ఉత్పత్తులను ఉపయోగిస్తున్నాము. ఎండలోకి వెళ్లేటప్పుడు సన్‌స్క్రీన్ అప్లై చేయడం, ముఖాన్ని ఎప్పటికప్పుడు శుభ్రం చేసుకోవడం వంటివి చేయాలి. ముఖ్యంగా రాత్రి పడుకునే ముందు ముఖం కడుక్కుని ముఖం పై పేరుకుపోయిన మురికిని తొలగించాలి. కానీ ఈ మధ్య మనం జుట్టును సంరక్షించుకోలేకపోతున్నాం. ఎందుకంటే అవి దుమ్ము, మట్టి, సూర్యుని హానికరమైన కిరణాల ద్వారా ప్రభావితమవుతాయి. వేసవిలో మీ జుట్టును జాగ్రత్తగా చూసుకోవడానికి ఈ చిట్కాలను పాటించాలి.
వేసవి కాలంలో జుట్టు సంరక్షణ చాలా ముఖ్యమని నిపుణులు చెబుతున్నారు. జుట్టుకు నూనె రాసుకోవడం మానుకోండి. యాంటీ డాండ్రఫ్ షాంపూని వారానికి రెండు సార్లు అప్లై చేయండి. తలలో విపరీతమైన చుండ్రు, జుట్టు రాలుతున్నట్లయితే, ఇంటి నివారణలలో కూరుకుపోకండి, వైద్యుడిని సంప్రదించండి.
నూనెను పూయడం మానుకోండి..
మీకు చుండ్రు సమస్య ఉంటే, నూనె రాసుకోవడం వల్ల సమస్య మరింత తీవ్రమవుతుంది. అలాగే వేసవి కాలంలో జుట్టుకు ఆయిల్ అప్లై చేయడం వల్ల జుట్టు మరింత అతుక్కుపోయి మురికి మయం అవుతుంది. అందుకే ఎక్కువ సేపు నూనె రాసుకుని బయటికి వెళ్లకూడదు. అలా బయటికి వెళితే జుట్టు పై దుమ్ము, ధూళి అంటుకుంటాయి.
యాంటీ డాండ్రఫ్ షాంపూతో వాష్..
వాతావరణంలో మార్పు కారణంగా చుండ్రు సమస్య చాలా సాధారణం. దీని కారణంగా మీరు జుట్టు రాలడం, పొడి జుట్టు వంటి సమస్యలను ఎదుర్కోవలసి ఉంటుంది. అందువల్ల, మీ జుట్టును యాంటీ – డాండ్రఫ్ షాంపూతో వారానికి రెండుసార్లు కడగాలి.
స్టైలింగ్ సాధనాలు..
వేసవి కాలంలో జుట్టు స్టైలింగ్ సాధనాలను ఉపయోగించడం మానుకోవాలి. స్ట్రెయిట్నర్లు, కర్లర్ మెషీన్లు, హెయిర్ డ్రైయర్ల వినియోగాన్ని పరిమితం చేయాలి. ఎందుకంటే స్టైలింగ్ సాధనాల నుండి వెలువడే వేడి, సూర్యరశ్మికి గురికావడం వల్ల జుట్టు పొడిగా మారి పాడైపోతుంది.
హైడ్రేట్..
మీరు చర్మాన్ని హైడ్రేటెడ్‌గా ఉంచడానికి టోనర్‌ను, మృదువుగా చేయడానికి క్రీమ్‌ను ఉపయోగించాలి. అదేవిధంగా జుట్టు కోసం మాయిశ్చరైజింగ్ షాంపూ, కండీషనర్ ఉపయోగించి మీ జుట్టును హైడ్రేట్ గా ఉంచుకోవాలి. జుట్టు పొడిబారకుండా నిరోధించడానికి హైడ్రేటింగ్ హెయిర్ మాస్క్‌ని కూడా ఉపయోగించవచ్చు.
నిపుణిడి సలహా
మీ జుట్టు విపరీతంగా రాలుతున్నట్లయితే లేదా పొడిగా మారినట్లయితే, ఇంటి చిట్కాలను పాటించకుండా వెంటనే వైద్యుడిని సంప్రదించండి.
