సుప్రీం, హైకోర్టు, ఏసీబీ కోర్టుల్లో చంద్రబాబు పిటిషన్లు- విచారణ ఈ తేదీలకు వాయిదా!-amaravati chandrababu petition in acb high court supreme court petition hearing postponed ,ఆంధ్ర ప్రదేశ్ న్యూస్

అంగళ్లు కేసు-తీర్పు రిజర్వ్

అంగళ్లు రాళ్ల దాడి కేసులో చంద్రబాబు బెయిల్ పిటిషన్‌పై హైకోర్టులో వాదనలు ముగిశాయి. ఈ కేసులో హైకోర్టు తీర్పు రిజర్వు చేసింది. అంగళ్లు రాళ్ల దాడి కేసులో చంద్రబాబును పోలీసులు ఏ1 నిందితుడిగా చేర్చారు. పోలీసులు తనపై నమోదు చేసిన కేసులో బెయిల్ కోరుతూ చంద్రబాబు హైకోర్టులో పిటిషన్ దాఖలు చేశారు. నీటి పారుదల ప్రాజెక్టుల సందర్శనకు వెళ్తున్న సమయంలో అంగళ్లు వద్ద టీడీపీ, వైసీపీ నేతల మధ్య రాళ్ల దాడి జరిగింది. చంద్రబాబు రెచ్చగొట్టడంతోనే రాళ్లదాడి జరిగిందని పోలీసులు కేసు నమోదు చేశారు. వైసీపీ కార్యకర్తలు తమపై రాళ్లు విసిరారని, వ్యక్తిగత భద్రతా సిబ్బంది తనను కాపాడారని చంద్రబాబు బెయిల్ పిటిషన్‌లో పేర్కొన్నారు. చంద్రబాబు తరపున సీనియర్ న్యాయవాది పోసాని వెంకటేశ్వర్లు, పోలీసుల తరపున పొన్నవోలు సుధాకర్‌రెడ్డి వాదనలు వినిపించారు.