మంత్రి హరీశ్ రావు హర్షం
ఉద్యోగుల ఆకాంక్షల మేరకు పే రివిజన్ కమిటీని (పీఆర్సీ) ఏర్పాటు చేయడం, 5 శాతం మధ్యంతర భృతి (ఐఆర్) ను చెల్లించాలని ప్రభుత్వం నిర్ణయించడం శుభపరిణామని మంత్రి హరీశ్ రావు హర్షం వ్యక్తం చేశారు. ఈ మేరకు సీఎం కేసీఆర్ ప్రత్యేక ధన్యవాదాలు తెలిపారు. 9 ఏళ్లలో రెండు పీఆర్సీలు ఇవ్వడంతో పాటు, శాసనసభలో ఇచ్చిన హామీ నిలబెట్టుకుంటూ మూడో పీఆర్సీని నియమించి, తెలంగాణ ప్రభుత్వం ఉద్యోగుల సంక్షేమానికి కట్టుబడి ఉందని మరోసారి నిరూపించారన్నారు. రాష్ట్ర ప్రభుత్వ ఉద్యోగులందరికీ మంత్రి హరీశ్ రావు శుభాకాంక్షలు తెలిపారు.
