ఇటీవల పాన్ ఇండియా స్టార్ ప్రభాస్(Prabhas)తో కలిసి ‘సలార్(Salaar)తో అలరించిన మలయాళ స్టార్ హీరో పృథ్వీరాజ్ సుకుమారన్(Prithviraj Sukumaran) నటిస్తున్న కొత్త సినిమా “ది గోట్ లైఫ్”(ఆడు జీవితం). హాలీవుడ్ యాక్టర్ జిమ్మీ జీన్ లూయిస్, అమలాపాల్, కేఆర్ గోకుల్, అరబ్ ఫేమస్ యాక్టర్స్ తాలిబ్ అల్ బలూషి, రిక్ ఆబే ఇతర కీలక పాత్రల్లో నటిస్తున్నారు. బెన్యామిన్ రాసిన గోట్ డేస్ నవల ఆధారంగా ఈ సినిమాను అవార్డ్ విన్నింగ్ డైరెక్టర్ బ్లెస్సీ రూపొందించారు. విజువల్ రొమాన్స్ బ్యానర్ ఈ సినిమాను భారీ బడ్జెట్ తో నిర్మిస్తోంది. ఏప్రిల్ 10న ఈ సినిమా పాన్ ఇండియా స్థాయిలో మలయాళంతో పాటు హిందీ, తెలుగు, తమిళ, కన్నడ భాషల్లో రిలీజ్ కానుంది. ఏప్రిల్ 5న మ్యాన్ ఆఫ్ మాసెస్ జూనియర్ ఎన్టీఆర్(NTR) నటిస్తున్న పాన్ ఇండియా మూవీ ‘దేవర'(Devara) విడుదలవుతుండగా, నాలుగు రోజుల వ్యవధిలో “ది గోట్ లైఫ్”(The Goat Life) విడుదల కానుండటం విశేషం.
ఇటీవల “ది గోట్ లైఫ్” సినిమా నుంచి పృథ్వీరాజ్ సుకుమారన్ ఫస్ట్ లుక్ పోస్టర్ ను ప్రభాస్ రిలీజ్ చేశాడు. తాజాగా ఈ సినిమా నుంచి సెకండ్ పోస్టర్ ను బాలీవుడ్ స్టార్ రణ్ వీర్ సింగ్ సోషల్ మీడియా ద్వారా రిలీజ్ చేశారు. ‘ఇది తప్పకుండా చూడాల్సిన సినిమా..’ అంటూ ఆయన పోస్టర్ రిలీజ్ సందర్భంగా క్యాప్షన్ రాశారు. ఈ సెకండ్ లుక్ పోస్టర్ ఎమోషనల్ గా ఉంది. ఒక ఆశతో సుదీర్ఘ ప్రయాణం సాగిస్తున్న కథానాయకుడి భావోద్వేగం అంతా ఆయన మొహంలో కనిపిస్తోంది. నజీర్ క్యారెక్టర్ లో పృథ్వీరాజ్ సుకుమారన్ ఎంతగా ఒదిగిపోయాడో ఈ పోస్టర్ చూపిస్తోంది. పోస్టర్లు చూస్తుంటే పాన్ ఇండియా స్థాయిలో ఈ సినిమా సత్తా చాటుతుంది అనిపిస్తోంది.
90వ దశకంలో జీవనోపాధి వెతుక్కుంటూ కేరళను వదిలి విదేశాలకు వలస వెళ్లిన నజీబ్ అనే యువకుడి జీవిత కథను వాస్తవ ఘటనల ఆధారంగా “ది గోట్ లైఫ్”లో చూపించబోతున్నారు. ఇది పూర్తిస్థాయిలో ఎడారిలో రూపొందుతున్న తొలి భారతీయ సినిమా కావడం విశేషం.
ఏఆర్ రెహమాన్ సంగీతం అందిస్తున్న ఈ సినిమాకి సినిమాటోగ్రాఫర్ గా సునీల్ కేఎస్, ఎడిటర్ గా శ్రీకర్ ప్రసాద్ వ్యవహరిస్తున్నారు.
