Medaram Maha Jatara : మేడారం.. కోట్లాది మంది తరలివచ్చే మహాజాతర. తెలంగాణ, ఏపీతో పాటు దేశంలోని వివిధ రాష్ట్రాల నుంచి ఎంతోమంది వచ్చి సమ్మక్క–సారలమ్మ గద్దెలను దర్శించుకుంటుంటారు. కోరిన కోర్కెలు తీర్చాలంటూ తెల్ల బెల్లాన్ని ఎత్తు బంగారంగా సమర్పిస్తుంటారు. సమ్మక్క జాతర సమయంలో ఎత్తు బంగారం సమర్పించే క్రమంలో గద్దెల వద్ద భక్తుల రద్దీ ఉంటుండటంతో కొంతమంది దూరం నుంచే బెల్లాన్ని విసురుతుంటారు. దీంతో అక్కడ విధులు నిర్వర్తిస్తున్న పోలీసులు, ఎండోమెంట్ సిబ్బందికి దెబ్బలు తగిలేవి. గద్దెల సమీపంలోని భక్తులు కూడా బెల్లం బుట్టాలు తగిలి అవస్థలు పడేవారు. కాగా ఫిబ్రవరి 21 నుంచి 24 వరకు మేడారం వనదేవతల మహాజాతర ప్రారంభం కానుండగా.. భక్తులకు ఇబ్బందులకు కలగకుండా ఉండేందుకు ప్రభుత్వం చర్యలు చేపట్టింది. ఇప్పటికే రోడ్లు, టాయిలెట్స్, తాగునీరు తదితర సౌకర్యాలు కల్పించడంతో పాటు బెల్లం బుట్టాలను నేరుగా సమ్మక్క–సారలమ్మ గద్దెల వద్దకు చేర్చేలా ప్రభుత్వం ప్రణాళికలు రచించింది. ఎవరికీ దెబ్బలు తగకుండా ఎత్తుబంగారాన్ని తల్లుల చెంతకు చేరేలా ప్లాన్ చేసింది.
Source link
ఎత్తు బంగారం నేరుగా తల్లుల చెంతకే, మేడారంలో కన్వేయర్ బెల్ట్ ఏర్పాటుకు చర్యలు-medaram news in telugu sammakka saralamma jatara preparation conveyor belt setting for jaggery carrying ,తెలంగాణ న్యూస్
