ఏపీకి 45 టీఎంసీలు, తెలంగాణకు 35 టీఎంసీలు
కృష్ణా నదిపై ప్రధాన జలాశయాలైన శ్రీశైలం, నాగార్జునసాగర్‌ల నుంచి ఏపీకి 45 టీఎంసీలు, తెలంగాణకు 35 టీఎంసీలను కేటాయించాలని కృష్ణా బోర్డు త్రిసభ్య కమిటీ నిర్ణయం తీసుకుంది. శుక్రవారం హైదరాబాద్‌ జలసౌధలో త్రిసభ్య కమిటీ సమావేశం జరిగింది. బోర్డు ఛైర్మన్‌ శివ్‌ నందన్‌ కుమార్‌, ఏపీ, తెలంగాణ నీటిపారుదలశాఖ ఈఎన్సీలు ఈ సమావేశానికి హాజరయ్యారు. శ్రీశైలం నుంచి ఆంధ్రప్రదేశ్ కు 30 టీఎంసీలు, నాగార్జున సాగర్‌ నుంచి 15 టీఎంసీలు కేటాయించగా, తెలంగాణకు 35 టీఎంసీలను కేటాయించాలని నిర్ణయించారు. ప్రస్తుత జలాల్లో సాగునీటి కోసం ఇరు రాష్ట్రాల వాటాలు 66:34 నిష్పత్తిలో ఉండాలని ఏపీ ఈఎన్సీ నారాయణరెడ్డి కోరగా, తెలంగాణ అందుకు అంగీకరించలేదు.
