Mega Brother Says Sorry 5.3 వ్యాఖ్యలపై నాగబాబు సారీ!

ఆపరేషన్ వాలెంటైన్ ప్రీ రిలీజ్ ఈవెంట్‌లో సైనికులను ఉద్దేశిస్తూ.. పోలీసు పాత్రలకు 5 అడుగుల 3 అంగుళాలు కాకుండా.. 6 అడుగుల 3 అంగుళాలు ఉంటే బాగుంటుందని మెగా బ్రదర్ నాగబాబు కామెంట్స్ చేసిన విషయం తెలిసిందే. ఈ కామెంట్స్‌పై పెద్ద దుమారమే చెలరేగుతుంది. టాలీవుడ్‌లోని హైట్ తక్కుల హీరోలను టార్గెట్ చేస్తూ.. నాగబాబు ఆ కామెంట్స్ చేసినట్లుగా అంతా ఆయనని ట్రోల్ చేస్తున్నారు. అయితే ఆ వ్యాఖ్యలు యాదృచ్చికంగా అన్నవే కానీ.. కావాలని ఎవరినీ టార్గెట్ చేసి అన్నవి కాదని నాగబాబు తాజాగా క్లారిటీ ఇచ్చారు. ఈ వ్యాఖ్యలపై వరుణ్ తేజ్ కూడా తన తాజా ఇంటర్వ్యూలో క్లారిటీ ఇచ్చారు.

నాన్నగారు ఎవరినీ ఉద్దేశించి ఆ మాటలు అనలేదని, అయినా ఆయన దేశభక్తి గురించి అన్ని మాటలు చెబితే.. అవన్నీ పక్కన పెట్టి.. ఆ ఒక్క మాటనే ఎందుకు పట్టించుకుంటున్నారని వరుణ్ తేజ్ అసహనానికి గురయ్యారు. ఇప్పుడు స్వయంగా నాగబాబే ఆ మాటలను వెనక్కి తీసుకుంటున్నట్లుగా ఓ లేఖను విడుదల చేశారు. ఈ లేఖలో నాగబాబు ఏం చెప్పారంటే.. 

ఇటీవల జరిగిన వరుణ్ బాబు ఆపరేషన్ వాలెంటైన్ ప్రీ రిలీజ్ ఈవెంట్‌లో నేను పోలీస్ క్యారెక్టర్ 6 అడుగుల 3 అంగుళాలు ఉండే వ్యక్తులు చేస్తే బాగుంటుంది. 5 అడుగుల మూడు అంగుళాల వ్యక్తులు చేస్తే నొప్పదు అన్నట్టు మాట్లాడాను, ఆ మాటలు నేను వెనక్కి తీసుకుంటున్నాను. ఎవరైనా ఆ మాటలకి నొచ్చుకునేంటే ఐయామ్ రియల్లీ వెరీ సారీ. అది యాదృచ్ఛికంగా వచ్చిందే కానీ.. వాంటెడ్‌గా అన్న మాటలు కాదు, అందరూ అర్థం చేసుకుని క్షమిస్తారని ఆశిస్తున్నాను.. -మీ నాగబాబు