Rohit Captaincy Records: కెప్టెన్‌గా వందో మ్యాచ్‌లో రోహిత్ కొత్త రికార్డులు, అరుదైన జాబితాలో చేరిన హిట్ మ్యాన్

<p>టీమిండియా సారధి రోహిత్&zwnj; శర్మ అరుదైన రికార్డు సాధించాడు. కెప్టెన్&zwnj; వందో 100వ అంతర్జాతీయ మ్యాచ్&zwnj; ఆడుతున్న హిట్&zwnj;మ్యాన్&zwnj; ఇంగ్లండ్&zwnj;తో జరుగుతున్న మ్యాచ్&zwnj;లో పలు రికార్డులను తన పేరిట లిఖించుకున్నాడు. టీమిండియా కెప్టెన్&zwnj;గా రోహిత్&zwnj; శర్మకు ఇది వందో మ్యాచ్ కాగా.. ఈ మ్యాచ్&zwnj;లోనే &nbsp;కెప్టెన్&zwnj;గా 4 వేల పరుగుల మార్కును హిట్&zwnj;మ్యాన్ అందుకున్నాడు. అలాగే 2023లో వన్డేల్లో వేయి పరుగులు పూర్తిచేసుకున్న తొలి కెప్టెన్&zwnj;గానూ హిట్&zwnj;మ్యాన్ ఘనత సాధించాడు. ఈ మ్యాచ్&zwnj;లోనే అంతర్జాతీయ క్రికెట్లో హిట్ మ్యాన్ 18 వేల పరుగులు పూర్తి చేసుకున్నాడు. ఈ ఘనత సాధించిన ఐదో ఇండియన్ క్రికెటర్&zwnj;గా రోహిత్ శర్మ నిలిచాడు. రోహిత్ కంటే ముందు సచిన్, విరాట్, ద్రావిడ్, గంగూలీ ఈ ఘనత సాధించారు. ఇంగ్లండ్&zwnj;తో మ్యాచ్&zwnj;లో 48వ పరుగులు పూర్తి చేసిన తర్వాత రోహిత్ శర్మ ఈ మైలురాయిని సాధించాడు. రోహిత్ శర్మ 477 ఇన్నింగ్స్&zwnj;ల్లో 18 వేల పరుగులు చేసిన ఘనత సాధించాడు.&nbsp;</p>
<p><br />&nbsp;రోహిత్&zwnj; శర్మ వన్డే ఫార్మాట్&zwnj;లో 10470 పరుగులు చేశాడు. &nbsp;టెస్టుల్లో 3,677, టీ 20ల్లో 3853 పరుగులు చేశాడు. అంతర్జాతీయ కెరీర్&zwnj;లో హిట్&zwnj; మ్యాన్&zwnj; మొత్తం &nbsp;45 సెంచరీలు సాధించాడు. 98 సార్లు అర్ధ శతకాలు చేశాడు. రోహిత్ శర్మ 257 వన్డేల్లో 249 ఇన్నింగ్స్&zwnj;ల్లో 31 సెంచరీలు సాధించాడు. వన్డే ఫార్మాట్&zwnj;లో 3 డబుల్ సెంచరీలు సాధించిన ఏకైక బ్యాట్స్&zwnj;మెన్&zwnj;గా హిట్&zwnj;మ్యాన్&zwnj; తన పేరిట అరుదైన రికార్డులను నెలకొల్పాడు. టెస్టు ఫార్మాట్&zwnj;లో రోహిత్ శర్మ 10 సెంచరీలు చేశాడు. అందులో ఒక డబుల్ సెంచరీ కూడా ఉంది. టీ20 ఫార్మాట్&zwnj;లో హిట్&zwnj; మ్యాన్ &nbsp;4 సార్లు సెంచరీ మార్క్&zwnj;ను దాటగా.. 29అర్ధ సెంచరీలు ఉన్నాయి. భారత్ వేదికగా జరుగుతున్న ప్రపంచకప్&zwnj;లోనూ రోహిత్ శర్మ విధ్వంసం సృష్టిస్తున్నాడు. ఇప్పటి వరకు రోహిత్ శర్మ 6 మ్యాచ్&zwnj;ల్లో 75.40 సగటుతో 377 పరుగులు చేశాడు. ఈ ప్రపంచకప్&zwnj;లో అత్యధిక పరుగులు చేసిన బ్యాట్స్&zwnj;మెన్&zwnj;ల జాబితాలో రోహిత్ శర్మ నాలుగో స్థానానికి చేరుకున్నాడు. ఈ జాబితాలో క్వింటన్ డి కాక్ అగ్రస్థానంలో ఉన్నాడు. డికాక్&zwnj; 6 మ్యాచ్&zwnj;ల్లో 71.83 సగటుతో 431 పరుగులు చేశాడు. డేవిడ్ వార్నర్ 6 మ్యాచ్&zwnj;ల్లో 68.83 సగటుతో 413 పరుగులు చేసి రెండో స్థానంలో ఉన్నాడు. న్యూజిలాండ్&zwnj; ఆటగాడు రచిన్&zwnj; రవీంద్ర 6 మ్యాచ్&zwnj;ల్లో 81.20 సగటుతో 406 పరుగులు చేసి మూడో స్థానంలో ఉన్నాడు.&nbsp;</p>
<p><br />&nbsp;ఇంగ్లండ్&zwnj;తో జరుగుతున్న మ్యాచ్&zwnj;లో ఒకపక్క వరుసగా వికెట్లు పడుతున్నా రోహిత్&zwnj; అద్భుతంగా బ్యాటింగ్&zwnj; చేశాడు. కెప్టెన్&zwnj;గా తన వందో మ్యాచ్&zwnj;లో జట్టును ముందుండి నడిపించాడు. ఆచితూడి ఆడుతూనే సమయం వచ్చినప్పుడల్లా భారీ షాట్లు ఆడేందుకు భయపడలేదు. ఇంగ్లండ్&zwnj; బౌలర్లను సమర్థంగా ఎదుర్కొంటూ రోహిత్&zwnj; స్కోరు బోర్డును ముందుకు నడిపించాడు. రాహుల్&zwnj;తో కలిసి రోహిత్ మధ్య 91 పరుగుల విలువైన భాగస్వామ్యాన్ని నెలకొల్పాడు. సెంచరీ దిశగా సాగుతున్న రోహిత్&zwnj;ను అదిల్&zwnj; రషీద్&zwnj; అవుట్&zwnj; చేశాడు. 101 బంతుల్లో 10 ఫోర్లు, మూడు భారీ సిక్సర్లతో రోహిత్&zwnj; శర్మ 87 పరుగులు చేసి పెవిలియన్ చేరాడు.<br />&nbsp;ప్రపంచకప్&zwnj;లో భాగంగా లక్నో జరుగుతున్న మ్యాచ్&zwnj;లో ఇంగ్లండ్&zwnj; ముందు.. టీమిండియా 229 పరుగుల లక్ష్యాన్ని ఉంచింది. టీమిండియా సారధి రోహిత్&zwnj; శర్మ, సూర్యకుమార్&zwnj; యాదవ్&zwnj; అద్భుత ఇన్నింగ్స్&zwnj;తో భారత జట్టు పోరాడే లక్ష్యాన్ని నిర్దేశించింది. బౌలర్లకు సహకరిస్తున్న పిచ్&zwnj;పై.. పరుగులు రావడమే కష్టమైన వేళ భారత బ్యాటర్లను… ఇంగ్లండ్&zwnj; బౌలర్లు ఇబ్బంది పెట్టగలిగారు. బంతి బ్యాట్&zwnj;పైకి రాకపోవడం, అదనపు బౌన్స్&zwnj; లభించడాన్ని బ్రిటీష్&zwnj; బౌలర్లు సమర్థంగా ఉపయోగించుకున్నారు. వరుసగా వికెట్లు తీసి భారత బ్యాటర్లను ఒత్తిడిలోకి నెట్టగలిగారు. కానీ రోహిత్&zwnj; శర్మ, సూర్య, రాహుల్&zwnj; పోరాటంతో టీమిండియా నిర్ణీత 50 ఓవర్లలో 9 వికెట్ల నష్టానికి 229 పరుగులు చేసింది.</p>



Source link