World Cup 2023: అట్లుంటది మనతోని, బార్మీకి ఆర్మీకి ఇచ్చి పడేసిన అభిమానులు

<p>ప్రపంచకప్&zwnj;లో భాగంగా ఇంగ్లండ్&zwnj;పై ఘన విజయం సాధించిన టీమిండియా.. ఈ మెగా టోర్నీలో అప్రతిహాతంగా ముందుకు సాగుతోంది. అయితే ఈ మ్యాచ్&zwnj;&zwnj;లో క్లిష్ట సమయంలో బ్యాటింగ్&zwnj;కు వచ్చిన విరాట్&zwnj; కోహ్లీ తొమ్మిది బంతులు ఆడి ఒక్క పరుగు కూడా చేయకుండా అవుటయ్యాడు. ఈ ప్రపంచకప్&zwnj;లో తొలిసారి కింగ్&zwnj; కోహ్లీ డకౌట్&zwnj; అయ్యాడు. కోహ్లీ అలా డకౌట్&zwnj; అవ్వగానే ఇంగ్లండ్&zwnj;కు చెందిన బార్మీ ఆర్మీ వెంటనే సోషల్&zwnj; మీడియాలో ఓ పోస్ట్&zwnj; పెట్టింది. ఈ పోస్ట్&zwnj; సామాజిక మాధ్యమాల్లో వైరల్&zwnj; అయింది. బాతుకు కోహ్లీ ఫోటో అతికించి బార్మీ ఆర్మీ చేసిన ట్వీట్ నిమిషాల్లోనే నెట్టింట వైరల్ అయ్యింది. కోహ్లీ డక్&zwnj; అవుట్ అయ్యాడనే &nbsp;విధంగా ఉన్న ఈ ఫొటో వైరల్&zwnj; అయింది.</p>
<p>అయితే బార్మీ ఆర్మీకి ఈ ఆనందం ఎంతోసేపు నిలవలేదు. ఇంగ్లండ్ ఇన్నింగ్స్ ఆరంభం కాగానే భారత నెటిజన్లు ఇంగ్లండ్&zwnj;కు మద్దతుగా నిలిచే బార్మి ఆర్మీకి ఇచ్చి పడేసింది. ఇంగ్లండ్ బ్యాటర్లు జో రూట్, బెన్ స్టోక్స్ సైతం సున్నాకే వెనుదిరిగారు. జో రూట్ ఎదుర్కొన్న తొలి బంతికే బుమ్రా బౌలింగ్&zwnj;లో గోల్డెన్ డక్&zwnj;గా వెనుదిరిగాడు. ఆ తర్వాత స్టోక్స్&zwnj;ను షమీ పెవిలియన్ చేర్చాడు. దీంతో బార్మీ ఆర్మీకి కౌంటర్లు మొదలెట్టారు ఇండియన్ ఫ్యాన్స్. బాతులకు రూట్, స్టోక్స్ ఫోటోలు అతికించి ట్వీట్లు చేశారు. ఈ మ్యాచ్&zwnj;లో ఇంగ్లండ్ ఘోర పరాజయం పాలవ్వడంతో బార్మీ ఆర్మీకి తిక్కకుదిరిందంటూ ఇండియన్ ఫ్యాన్స్ ట్వీట్లు చేస్తున్నారు. ఇంగ్లండ్&zwnj;-ఇండియా మధ్య జరిగిన మ్యాచ్&zwnj;లో మరో ఆసక్తికర రికార్డు నమోదైంది. 48 ఏళ్ల ప్రపంచకప్&zwnj; చరిత్రలో మొట్టమొదటిసారి ఇరు జట్లలోని నంబర్&zwnj; 3 ఆటగాళ్లు సున్నా పరుగులకే ఔటయ్యారు. ఇన్నేళ్ల ప్రపంచకప్&zwnj; చరిత్రలో ఇలా జరగడం ఇదే తొలిసారి. భారత్&zwnj; తరఫున నంబర్&zwnj; త్రీగా బరిలోకి దిగిన విరాట్&zwnj; 9 బంతులు ఆడి డేవిడ్&zwnj; విల్లే బౌలింగ్&zwnj;లో బెన్&zwnj; స్టోక్స్&zwnj;కు క్యాచ్&zwnj; ఇచ్చి డకౌట్&zwnj; కాగా.. ఇంగ్లండ్&zwnj; తరఫున నంబర్&zwnj; త్రీగా బరిలోకి దిగిన జో రూట్&zwnj; బుమ్రా బౌలింగ్&zwnj;లో తొలి బంతికే ఎల్బీడబ్ల్యూగా ఔటయ్యాడు.</p>
<p>&nbsp;ఇంగ్లండ్&zwnj;తో జరిగిన మ్యాచ్&zwnj;లో టాస్&zwnj; ఓడి తొలుత బ్యాటింగ్&zwnj; చేసిన టీమిండియా నిర్ణీత ఓవర్లలో 9 వికెట్ల నష్టానికి 229 పరుగులు చేసింది. రోహిత్&zwnj; శర్మ బాధ్యతాయుతమైన ఇన్నింగ్స్&zwnj; (101 బంతుల్లో 87; 10 ఫోర్లు, 3 సిక్సర్లు) ఆడి జట్టు గౌరవప్రదమైన స్కోర్&zwnj; అందించాడు. రోహిత్&zwnj;తో పాటు కేఎల్&zwnj; రాహుల్&zwnj; (58 బంతుల్లో 39; 3 ఫోర్లు), సూర్యకుమార్&zwnj; యాదవ్&zwnj; (47 బంతుల్లో 49; 4 ఫోర్లు, సిక్స్&zwnj;) ఓ మోస్తరు స్కోర్లు చేశారు.</p>
<p>అనంతరం బ్యాటింగ్&zwnj;కు దిగిన ఇంగ్లండ్&zwnj; స్వల్ప లక్ష్య ఛేదనలో తడబడింది. &nbsp;కేవలం 34.5 ఓవర్లలో 129 పరుగులకే బ్రిటీష్&zwnj; జట్టు కుప్పకూలింది. దీంతో 100 పరుగుల భారీ తేడాతో రోహిత్&zwnj; సేన ఘన విజయం సాధించింది. ఈ గెలుపుతో మరోసారి పాయింట్ల పట్టికలో అగ్రస్థానానికి చేరుకున్న భారత్&zwnj;.. ప్రపంచకప్&zwnj; సెమీఫైనల్&zwnj;కు కూడా దూసుకెళ్లింది. వరుసగా వికెట్లు పడుతున్నా రోహిత్&zwnj; అద్భుతంగా బ్యాటింగ్&zwnj; చేశాడు. కెప్టెన్&zwnj;గా తన వందో మ్యాచ్&zwnj;లో జట్టును ముందుండి నడిపించాడు. ఆచితూడి ఆడుతూనే సమయం వచ్చినప్పుడల్లా భారీ షాట్లు ఆడేందుకు భయపడలేదు. సెంచరీ దిశగా సాగుతున్న రోహిత్&zwnj;ను అదిల్&zwnj; రషీద్&zwnj; అవుట్&zwnj; చేశాడు. 101 బంతుల్లో 10 ఫోర్లు, మూడు భారీ సిక్సర్లతో రోహిత్&zwnj; శర్మ 87 పరుగులు చేసి పెవిలియన్ చేరాడు.</p>



Source link