ఓ దశలో ఆందోళన చేస్తున్న అభ్యర్థులను చెదరగొట్టే ప్రయత్నం చేశారు పోలీసులు. ఈ క్రమంలో అభ్యర్థుల నుంచి కూడా ప్రతిఘటన ఎదురైంది. ఉద్రిక్త పరిస్థితుల మధ్య అర్ధరాత్రి దాటిన తర్వాత ప్రవళిక మృతదేహాన్ని పోలీసులు అంబులెన్స్లో గాంధీ ఆసుపత్రికి తరలించారు. మృతురాలి కుటుంబానికి న్యాయం చేయాలని… ఆమె సూసైడ్ లెటర్ బయటపెట్టాలని అభ్యర్థులు నినాదాలు చేశారు. ఈ ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు.
