ప్రియమణి నటించిన భామాకలాపం ఫ్రాంచైజీ, విశ్వక్‌ సేన్‌ అశోక వనంలో అర్జున్‌ కళ్యాణం సినిమాలతో డ్రీమ్‌ ఫార్మర్స్‌ బ్రాండ్‌ పెరిగింది. అలాంటి ప్రొడక్షన్‌ కంపెనీ నుంచి మరో కొత్త చిత్రం రాబోతోంది. ఈరోజు ఆ క్రేజీ ప్రాజెక్ట్‌ను ప్రారంభించారు. ఈటీవీ విన్‌ సహకారంతో డ్రీమ్‌ ఫార్మర్స్‌ బ్యానర్‌పై బాపినీడు, సుధీర్‌ ఈదర ఈ చిత్రాన్ని నిర్మిస్తున్నారు.
ఈ ప్రాజెక్ట్‌లో సీనియర్‌ నటుడు నరేష్‌ విజయ్‌కృష్ణ, రాగ్‌ మయూర్‌, ప్రియా వడ్లమాని ప్రధాన పాత్రలు పోషించనున్నారు. బ్రహ్మానందం కీలక పాత్రలో నటిస్తున్నారు. జనవరి 25న పూజా కార్యక్రమాలతో ఈ ప్రాజెక్టును ప్రారంభించారు.
ఈ కార్యక్రమంలో దర్శకులు రవికిరణ్‌ కోలా, రాధాకృష్ణ, భరత్‌ కమ్మ తదితరులు పాల్గొన్నారు. క్రియేటివ్‌ ప్రొడ్యూసర్‌ తన్మయ్‌ కెమెరా స్విచ్‌ ఆన్‌ చేయగా, చిత్రనిర్మాత రాధ క్లాప్‌ కొట్టారు. ఈ చిత్రానికి అనురాగ్‌ పాలుట్ల దర్శకత్వం వహిస్తున్నారు. ఈ చిత్రానికి ఆర్‌ హెచ్‌ విక్రమ్‌ సంగీతం అందిస్తుండగా అంకుర్‌ సి సినిమాటోగ్రఫర్‌గా పని చేస్తున్నారు. హరీష్‌ శంకర్‌ టిఎన్‌ ఎడిటింగ్‌ బాధ్యతలు నిర్వహిస్తున్నారు. ఈ ప్రాజెక్ట్‌కు సంబంధించిన మరిన్ని వివరాలు త్వరలో వెల్లడి కానున్నాయి.
ఈటీవీ విన్‌ గురించి..
2019లో ప్రారంభించబడిన ఈటీవీవిన్‌ వైవిధ్యమైన కంటెంట్‌ను అందిస్తూ అన్ని రకాల ఎంటర్టైన్మెంట్‌ కార్యక్రమాలను ఒకే వేదికపైకి తీసుకొచ్చింది. ఆకర్షణీయమైన ప్లాట్‌ఫామ్‌గా వేగంగా స్థిరపడిరది. ఈ యాప్‌ ప్రారంభం నుంచీ ప్రేక్షకులకు సాటిలేని వినోద అనుభవాన్ని అందిస్తున్నారు.
