‘బాహుబలి’ సినిమాతో జాతీయ స్థాయిలో ప్రేక్షకుల మన్ననలు పొందిన రాకేష్‌ వర్రే, గతంలో ‘ఎవ్వరికీ చెప్పొద్దు’ సినిమాతో హీరో, నిర్మాతగా మారిన సంగతి అందరికీ తెలిసిందే, రీసెంట్‌గా నిర్మాతగా ‘పేకమేడలు’ చిత్రం టీజర్‌ రిలీజ్‌ చేశారు. ఇప్పుడు ‘జితేందర్‌రెడ్డి’ చిత్రాన్ని ప్రేక్షకుల ముందుకు తీసుకొస్తున్నారు. గతంలో రిలీజ్‌ చేసిన ప్రోమోకి, అస్సలు ఎవరు ఈ జితేందర్‌ రెడ్డి అని ? అని హీరో పేస్‌ రెవీల్‌ చెయ్యకుండా విడుదల చేసిన పోస్టర్స్‌ కూడా మంచి ఆదరణ పొందాయి.. ముదుగంటి క్రియేషన్స్‌ బ్యానర్‌లో రాబోతున్న ఈ జితేందర్‌ రెడ్డి సినిమా రిలీజ్‌ డేట్‌ ను చిత్ర యూనిట్‌ ఈరోజు విడుదల చేసింది. 2024 మే 3న ఈ చిత్రం విడుదల కాబోతుంది అని చిత్ర దర్శకుడు విరించివర్మ చెప్పారు, ఈ సందర్భంగా దర్శకుడు విరించి వర్మ మాట్లాడుతూ.. హీరో ఎవరో చూపించకుండా విడుదల చేసిన పోస్టర్స్‌ కూడా మంచి క్యూరియాసిటీని పెంచాయి.. రాకేష్‌ వర్రే ఫ్యామిలీ హీరోగా ఎవ్వరికీ చెప్పొద్దూ లాంటి లవ్‌ స్టొరీని చేసినప్పటికీ ఇలాంటి ఒక యాక్షన్‌ డ్రామా చెయ్యడం చాలా గొప్ప విషయం. మే 3న రిలీజ్‌ అయ్యే ఈ సినిమాతో ఆరోజుల్లో విలువలతో కూడిన ఈ పాత్ర, దాని చుట్టూ తిరిగే కథని ఈ తరం ప్రేక్షకులకి అందించాలని చేసే ప్రయత్నమే ఈ జితేందర్‌ రెడ్డి’ అన్నారు.
ముదుగంటి క్రియేషన్స్‌ అధినేత, నిర్మాత ముదుగంటి రవీందర్‌ రెడ్డి మాట్లాడుతూ ‘ఉయ్యాలా జంపాలా, మజ్ను లాంటి ప్రేమకథా చిత్రాలకు దర్శకత్వం వహించిన విరించి వర్మ, మా జితేందర్‌ రెడ్డి లాంటి యాక్షన్‌ స్టొరీని కూడా అద్భుతంగా తెరకెక్కించారు. 1980లో నేను చూసిన, నాకు తెలిసిన కథ ఈ జితేందర్‌ రెడ్డి. అప్పటి లొకేషన్స్‌ గాని, అప్పటి యాంబియన్స్‌ని గాని చాలా చక్కగా తెరకెక్కించాము. మా హీరో రాకేష్‌ వర్రే గురించి మీకు చెప్పాలి, గతంలో లవ్‌ స్టొరీ చేసి ఇప్పుడు ఈ యాక్షన్‌ డ్రామా ని కూడా చాలా బాగా హేండిల్‌ చేశాడు, తనకు సొంతగా క్రేజీ యాంట్స్‌ ప్రొడక్షన్స్‌ ఉన్నప్పటికీ, తన సినిమాలే మూడు జరుగుతున్నప్పటికీ కూడా ఈ జితేందర్‌ రెడ్డిని తన సొంత ప్రాజెక్ట్‌ లాగా, తన సినిమాల పనులను అడ్జస్ట్‌ చేసుకుని చాలా శ్రమని ఈ సినిమా కోసం పెట్టారు.. అప్పటి సన్నివేశాలని, జరిగిన కథని యదార్ధంగా చూపించాము తప్ప, ఎవరిని కించ పరిచే విధంగా మాత్రం చెయ్యలేదు’ అన్నారు.
