దిశ, ఫీచర్స్: పరిశుభ్రత పాటిస్తేనే మనిషి ఎక్కువ కాలం ఆరోగ్యంగా జీవించగలడని వైద్యులు చెబుతున్నవిషయం తెలిసిందే. కానీ ఆరోగ్యకరమైన జీవితానికి చేతులు, ముఖం, శరీరాన్ని శుభ్రంగా ఉంచుకోవాలి. అలాగే మీ పాదాలను కూడా శుభ్రంగా ఉంచుకోవాలి. అందుకే ఇంటికి వెళ్లేటప్పుడు ఎప్పుడూ బయట కాళ్లు కడుక్కోవాలని పెద్దలు చెబుతుంటారు. ఈ విధంగా పాదాలను శుభ్రపరచడం వల్ల అనేక ఆరోగ్య ప్రయోజనాలు ఉంటాయని చెబుతున్నారు.
మనం ఆరోగ్యంగా ఉండాలంటే.. అవసరమైన పోషకాలను అందించడమే కాకుండా మానసిక స్థితి, నిద్ర కూడా అవసరం. ఎక్కువ పని చేసాక విశ్రాంతి కూడా అలాగే తీసుకోవాలి. అయితే, ఇలా నిద్రపోవాలంటే కొన్ని నియమాలు పాటించాలి.
ప్రతిరోజూ చర్మాన్ని సంరక్షించడం ఎంత ముఖ్యమో పాదాల సంరక్షణ కూడా అంతే ముఖ్యమని ఆరోగ్య నిపుణులు అంటున్నారు. మీ పాదాలను శుభ్రంగా ఉంచుకోవడం వల్ల మీరు బాగా నిద్రపోవడమే కాకుండా ఆరోగ్య సమస్యలు కూడా రాకుండా ఉంటాయి. అందుకే రాత్రి పడుకునే ముందు పాదాలను శుభ్రం చేసుకోవాలి. మురికి పాదాలతో నిద్రించే ఎవరైనా సరిగ్గా నిద్రపోలేరు. కాళ్లు కడుక్కోకుండా పడుకుంటే, పాదాలు, శరీరం, చేతుల నుంచి బ్యాక్టీరియా నోటిలోకి ప్రవేశించి ఆరోగ్య సమస్యలను కలిగిస్తుంది.
గమనిక: ఇక్కడ అందించిన సమాచారం పలు అధ్యయనాలు, పరిశోధనల నుంచి తీసుకోబడింది. ఇది వైద్య నిపుణుల సూచనలకు ప్రత్యామ్నాయం కాదు. ఈ సమాచారం కేవలం మీ అవగాహన కోసమే. ‘దిశ’ ఈ విషయాలను దృవీకరించడం లేదు.
