సంగారెడ్డి జిల్లా సిర్గాపూర్ మండలం జామ్లా తండాకు చెందిన నలుగురికి ఒకేసారి కానిస్టేబుల్ ఉద్యోగాలు రావడంతో ఆ కుటుంబమంతా ఆనందంతో ఉప్పొంగిపోతుంది.జామ్లా తండాకు చెందిన మెగావత్ నెహ్రు నాయక్,మారోని భాయ్ దంపతుల ఇద్దరు కుమారులు,కూతురు,కోడలు ఉద్యోగాలకు ఎంపికయ్యారు. వీరిలో మెగావత్ సంతోష్ -ఏ ఆర్ కానిస్టేబుల్,మెగావత్ రేణుక -సివిల్ కానిస్టేబుల్,మెగావత్ రమేష్ -TSSPC , రమేష్ భార్య అయినా మోలోత్ రోజా -ఏఆర్ కానిస్టేబుల్ గా ఎంపికయ్యారు. దీనితో ఆ తండా వాసులు, కుటుంబ సభ్యులు హర్షం వ్యక్తం చేస్తున్నారు. స్థానిక సర్పంచ్ దివ్య భారతి చరణ్ వారిని అభినందించారు.
