Punganur Incident : ఏపీ రాజకీయాలు ఎప్పుడూ హాట్ హాట్ గా ఉంటాయి. స్కిల్ కేసులో చంద్రబాబు అరెస్టుతో టీడీపీ, వైసీపీ మధ్య యుద్ధ వాతావరణమే కనిపిస్తుంది. చంద్రబాబుకు మద్దతుగా ఆ పార్టీ నేతలు, కార్యకర్తలు చేస్తున్న ధర్నాలు, నిరసనలను పోలీసులు, వైసీపీ నేతలు అడ్డుకుంటున్నారని ఆరోపణలు వస్తున్నాయి. తాజాగా చంద్రబాబు అరెస్టును నిరసిస్తూ శ్రీకాకుళానికి చెందిన టీడీపీ కార్యకర్తలు సైకిల్ పై యాత్రగా కుప్పం వరకూ వెళ్తున్నారు. వీరికి మార్గమధ్యలో చేదు అనుభవం ఎదురైంది. వైసీపీ మద్దతుదారుడు, మంత్రి పెద్దిరెడ్డి అనుచరుడు టీడీపీ కార్యకర్తల చొక్కాలు విప్పించి దుర్భాషలాడారు. ఈ వీడియో నెట్టింట హల్ చల్ చేస్తుంది. ఈ ఘటనపై టీడీపీ నేతలు ఆగ్రహం వ్యక్తం చేస్తు్న్నారు.
